"Наполи" ҳужумчиси Виктор Осимхен ўтган ёзда "Ливерпуль"га ўтиши мумкин эди.
Нигериялик ўз жамоасидан алоҳида машғулот ўтказиб, бошқа клублардан муносиб таклифларни кутди, лекин ҳеч қачон ўзи хоҳлагандек маош таклифи олишига эриша олмади. Футболчи неаполликлар сафида қолган бўлса ҳам, клуб уни А Серия қайдномасидан чиқариб ташлади.
Лондоннинг “Челси” клуби Осимхенга асосий даъвогар ҳисобланган, аммо якунда унинг талабларини бажара олмади. Corriere Dello Sport хабарига кўра, 25 ёшли футболчи учун яна бир АПЛ гиганти "Ливерпуль" ҳам курашиб кўрган. Мерсисайдликлар ҳам Викторнинг маош талаблари туфайли трансфердан воз кечган.
