Германия терма жамоаси бош мураббийи Юлиан Нагельсманн тўрт нафар юқори мақомли футболчининг жамоани тарк этиши ҳақида гапирди. Хабарингиз бор, Мануэль Нойер, Илкай Гюндоган, Тони Кроос ва Томас Мюллер терма жамоадаги фаолиятини якунлаган.
"Тўрт нафар муҳим футболчи терма жамоани тарк этди. Улар жамоа сифатида ажойиб ҳикояларга эга эди. Мураббий сифатида уларнинг ҳар бирига қарор ҳақида ўйлашга имкон бераман. Жуда яхши ўйинчилар кетиши ҳар доим қийин бўлган. Аммо эшик ҳеч кимга ёпиқ эмас. Спортда ҳеч қачон эшикни тўлиқ ёпиб бўлмайди", деди Нагельсманн журналистларга.
Сентябрь ойида Германия терма жамоаси Миллатлар лигаси доирасида Венгрия ва Нидерландияга қарши ўйин ўтказади.
