"Барселона" футболчиси Рафинья Диас ўзининг бразилиялик жамоадоши Винисиус Жуниор ҳақида гапирди.
"Реал Мадрид" ҳужумчиси нафақат ёрқин ва самарали ўйини, балки майдондаги хатти-ҳаракатлари билан ҳам танилган, бу эса ҳар доим ҳам рақиб футболчилари ва мухлисларига ёқмайди.
"Винисиус ўйин пайтида ва Винисиус ҳаётда икки хил одамлардир. Аммо бу нормал ҳолат, бундай ўйинчилар жуда кўп. Мен ҳаммага Вини ажойиб инсон эканлигини тушунтиришга ҳаракат қиламан", деди Рафинья.
"Барселона" айни дамда Ла Лига турнир жадвалида 12 очко билан "Реал"дан 4 очко олдинда бормоқда.
