"Галатасарой"га ижара асосида ўтган "Наполи" ҳужумчиси Виктор Осимхен яқин вақт ичида "Челси"да ўйнаши мумкин.

Лондон клуби ёзги трансфер ойнасининг сўнгги соатларида нигериялик футболчини қўлга киритишга ҳаракат қилди, бироқ у билан келиша олмади. Орадан кўп ўтмай форвардни Туркиянинг "Галатасарой" клуби ижарага олди. Инсайдер Фабрицио Романонинг сўзларига кўра, “Челси” Осимхенни кузатишда давом этади. Эҳтимол, "кўклар" футболчини январда ёки келаси ёзда ўз сафига қўшиб олишга ҳаракат қилишлари мумкин.

Виктор Осимхеннинг "Галатасарой" билан ижара шартномаси қишки трансфер ойнасида ўзига ҳам, "Наполи"га ҳам мос футболчи бўйича таклиф тушса, узилиши мумкин.