"Рома" эркин агент ҳисобланган марказий ҳимоячи Матс Хуммельс билан шартнома имзолади.
Николо Скиранинг янгиланган хабарига кўра, томонлар шартнома шартлари бўйича аллақачон келишиб олишган. 35 ёшли футболчи римликлар билан жорий мавсум охиригача йилига 2,5 миллион эвро маош билан, бонусларни ҳисобга олмаганда шартнома имзолашга рози бўлди.
Хуммельс чоршанба куни тушдан кейин тиббий кўрикдан ўтади ва расман "Рома" футболчисига айланади. “Бўрилар” фахрийни Европа лигасининг асосий босқичи ўйинлари учун таркибга қўшиб олишга улгуришади.
