Охирги ҳафталарда миш-мишлар ярим ҳимоячи Родрини "Реал Мадрид" билан боғлади.
Футболчи келаси ёзда «Манчестер Сити»дан Мадрид клубига ўтиши мумкинлиги ҳақида хабарлар бор.
TodoFichajes порталидаги маълумотларга кўра, "Манчестер Сити" келаси ёзда Родри билан хайрлашмоқчи эмас.
"Шаҳарликлар" испанияликни фақат 2026 йилда – амалдаги шартнома муддати тугашига бир йил қолганда сотишга тайёр бўлади.
Агар Родри шу вақтгача меҳнат шартномасини узайтирмаса, Англия топ-клуби пул ишлаш мақсадида у билан хайрлашиши мумкин.
Манбага кўра, "Реал" "Манчестер Сити"нинг Родри борасидаги позициясидан хабардор, шунинг учун улар муқобил вариантларни, хусусан, Йозуа Киммих вариантини кўриб чиқмоқда.
