"Matchroom Boxing" промоутерлик компанияси раҳбари Эдди Хирн ўзбекистонлик мижози Муроджон Аҳмадалиев охир-оқибат япониялик Наоя Иноуэ билан жанг қилиши кераклигини айтмоқда.
"Иккинчи энг енгил вазн тоифасида Иноуэ учун ягона жанг қолди. Бу ҳақиқий жанг бўлади! WBA жангни белгилади... вақти келди!", - деб ёзди Хирн.
Мазкур вазн тоифасида WBC, WBO, IBF, WBA (Super) камарларини эгаллаб турган Иноуэ 3 сентябрь куни австралиялик Ти Жей Дохенини еттинчи раундда техник нокаутга учратганди.
Ҳамюртимиз Муроджон Аҳмадалиев айни дамда WBA йўналиши бўйича Наоя учун мажбурий даъвогар ҳисобланади. WBA ташкилоти аввалроқ ҳам бу икки боксчининг жанги учун расман буйруқ берган, аммо ўшанда томонлар келишувга эриша олмаган эди.
