Англия терма жамоаси Ирландия терма жамоаси билан Миллатлар лигасининг 1-тур учрашувида вақтинчалик бош мураббий Ли Карсли бошчилигидаги илк учрашувда ғалаба қозонди (2:0). Карсли 50 йил ичида дебют ўйинида ғалаба қозонган биринчи вақтинчалик бош мураббийга айланди. Бу ҳақда Squawka хабар берди.
Қайд этилишича, Ли Карслига қадар Жо Мерсер буни 1974 йилда амалга оширган.
11-дақиқада Англия терма жамоаси ярим ҳимоячиси Деклан Райс дарвозанинг юқори ўнг бурчагига зарба бериб, ҳисобни очди. 26-дақиқада англиялик футболчи Жек Грилиш Райснинг узатмасини қабул қилиб олиб, гол урди.
