Ҳимоячи Давиде Калабрианинг “Милан” билан шартномаси кейинги ёзда якунига етади. Бироқ, журналист Маттео Мореттонинг ёзишича, футболчи ва клуб ўртасида музокаралар бир неча ой олдин бошланганига қарамай, клуб раҳбарияти ҳалигача жамоа сардорига шартномани узайтириш бўйича таклиф билан чиқмаган.
Бу, айниқса, сўнгги йилларда жамоа учун Ҳакан Чалханўғли ва Жанлуижи Доннарумма каби муҳим футболчилар "Милан"ни текинга тарк этганини эсласак, ғалати туюлади. Европа клублари аллақачон Калабриага қизиқиш билдиришмоқда, хусусан, "Галатасарой" клуби.
Эслатиб ўтамиз, Калабриа “Милан” тарбияланувчиси ва жамоанинг амалдаги сардори ҳисобланади.
