Himoyachi Davide Kalabrianing “Milan” bilan shartnomasi keyingi yozda yakuniga yetadi. Biroq, jurnalist Matteo Morettoning yozishicha, futbolchi va klub o‘rtasida muzokaralar bir necha oy oldin boshlanganiga qaramay, klub rahbariyati haligacha jamoa sardoriga shartnomani uzaytirish bo‘yicha taklif bilan chiqmagan.

Bu, ayniqsa, so‘nggi yillarda jamoa uchun Hakan Chalxano‘g‘li va Janluiji Donnarumma kabi muhim futbolchilar "Milan"ni tekinga tark etganini eslasak, g‘alati tuyuladi. Yevropa klublari allaqachon Kalabriaga qiziqish bildirishmoqda, xususan, "Galatasaroy" klubi.

Eslatib o‘tamiz, Kalabria “Milan” tarbiyalanuvchisi va jamoaning amaldagi sardori hisoblanadi.