"Спортинг" "Интер"дан суд орқали 30 миллион евро олмоқчи.
2022 йилда маълум бўлдики, "нерадзуррилар" 2016 йилда лиссабонликлардан Жоау Мариуни сотиб олиб, агар ярим ҳимоячи кейинчалик Португалиянинг бошқа жамоасига ўтса, маълум миқдорда товон тўлашга рози бўлган.
2021 йилда футболчи "Интер" билан шартномасини бекор қилди ва "Бенфика"га эркин агент сифатида қўшилди. "Спортинг" ҳеч қандай тўлов олмаган ва миланликлар билан ҳеч нарса бўйича келиша олмай, ФИФАга мурожаат қилган.
Халқаро футбол федерацияси Португалия клубини қўллаб-қувватламади ва у Спорт арбитраж судига мурожаат қилишга қарор қилди. La Gazette Dello Sport, Record нашрига таяниб хабар беришича, CAS тинглови 9 декабрга белгиланган.
