Матвей Сафонов шу шанба куни "ПСЖ" сафида дебют қилиши мумкин.
L'Equipe хабарига кўра, Жанлуижи Доннарумма парижликларнинг бугунги очиқ машғулотини ўтказиб юборган. Қайд этилишича, 25 ёшли италияликнинг фарзанди дунёга келган.
L'Equipe нашрининг таъкидлашича, асосий дарвозабон Лига 1 доирасида шанба кунги "Брест"га қарши ўйинда иштирок этмаса, унинг ўрнини Матвей Сафонов эгаллаши мумкин.
Айни дамда россиялик дарвозабон "ПСЖ" сафида расмий ўйинларда майдонга тушмаган. Август ойида у Австриянинг "Штурм" клубига (2:2) қарши ўртоқлик ўйинида ҳаракат қилган.
