"Арсенал"нинг собиқ дарвозабони, ҳозирда "Саутгемптон"да бўлган Аарон Ремсдейл ўтган ёзда Лондон клубини тарк этганидан кейин "канонирлар" бош мураббийи Микель Артета билан яхши муносабатда қолганини айтди.
"Мен у билан ўтган ҳафта гаплашдим. "Арсенал"да мен учун қилган ишлари учун унга фақат раҳмат айтишим мумкин. Артета ҳам ҳиссам учун миннатдорчилик билдирди. Охир оқибат, энг яхши мураббийлар шундай қилишади. Улар одамларни хафа қиладиган қарорлар қабул қилишлари керак. Артета ҳам худди шундай қарорга келди, лекин биз ҳали ҳам мулоқот қиламиз", — деб Ремсдейл сўзларини келтирмоқда talkSPORT.
Ремсдейл "Арсенал" сафида 89 та ўйинда майдонга тушди.
