"Ноттингем Форест" ярим ҳимоячиси Морган Гиббс-Уайт "Манчестер Сити"га ўтиши мумкин.
24 ёшли футболчи узоқ вақтдан бери гранд мақомга эга инглиз клубларининг радарида бўлиб келган ва яқинда ярим ҳимоячининг миллий терма жамоадаги муваффақиятлари қайд этилиб, уни сентябрь ойидаги Миллатлар лигаси ўйинларига чақиришган. HITC хабарига кўра, "Манчестер Сити" Гиббс-Уайтга даъвогарлар рўйхатига қўшилган. “Ньюкасл” ва “Тоттенхэм” “шаҳарликлар” билан рақобатлашишга тайёр.
Морган Гиббс-Уайт 7 сентябрь куни Ирландияга қарши ўйинда Англия терма жамоаси сафида дебют қилди. Transfermarkt портали экспертлари ўрмончилар футболчисининг нархини 40 миллион еврога баҳоламоқда.
