"Ливерпуль" дарвозабони Алиссон Беккер "Милан" дарвозабони Майк Меньян ҳақидаги саволга жавоб берди.

"Россонерилар"нинг "қизиллар" билан учрашуви сешанба куни Чемпионлар лигаси доирасида бўлиб ўтади. Учрашув Тошкент вақти билан 00:00да бошланади.

“Меньян ажойиб дарвозабон. У уч, тўрт ёки беш йилдан бери ажойиб ўйнамоқда. У "Милан"га қўшилганидан бери жуда яхши ўйнади ва Франция терма жамоасида жаҳон чемпиони [Уго Льорис] бўлган ажойиб дарвозабонни алмаштира олди.

Майк жуда жисмонан ривожланган, тезкор ва техник кўникмаларга эга. У дунёнинг энг яхши ўнта дарвозабони қаторига киради", - дея Алиссоннинг сўзларидан иқтибос келтиради Football Italia.