"Арсенал" ярим ҳимоячиси Жоржиньо "Манчестер Сити" ҳужумчиси Эрлинг Холанднинг ажойиб голли ўйини ҳақида ўз фикрлари билан ўртоқлашди.

Норвегиялик футболчи тўртта турдан сўнг урган тўққизта гол билан Премьер-лига тўпурарлари пойгасида пешқадамлик қилмоқда – унинг энг яқин таъқибчиларида атиги учтадан гол бор.

“Эрлинг қайта-қайта гол урмоқда ва бу мени кулдиришни бошлади. Ҳа, биз барча учрашувларни томоша қиламиз, чунки биз футболни яхши кўрамиз, биз Премьер-лигани яхши кўрамиз. Биз "Манчестер Сити" ўйинларини томоша қиламиз ва бу нормал ҳолат", - дея Жоржиньонинг сўзларини келтиради журналист Саймон Коллингс.