"Манчестер Юнайтед" бош мураббийи Эрик тен Хаг Люк Шоунинг аҳволи ҳақида гапирди.
Чап қанот ҳимоячиси февраль ойидан бери клубда ўйнамаганига қарамай, Англия билан Еврога йўл олди. Шоу "уч шерлар" учун 3 та ўйинда, шу жумладан Испанияга қарши финалда майдонга тушди, аммо "қизил иблислар"га қайтганида яна жароҳат олди. 30 ёшли футболчи ушбу мавсумда "Юнайтед"нинг барча мавсумолди ва расмий ўйинларини ўтказиб юборди.
"Люкнинг аҳволи яхшиланмоқда, лекин у ҳали тайёр эмас. У яхши тикланмоқда. Бизнинг режамиз бор, лекин барчаси вазият қандай ривожланишига боғлиқ. Тикланиш жараёнининг тезлашиши ёки секинлашишига кўплаб омиллар таъсир қилади", деди Тен Хаг.
