"Manchester Yunayted" bosh murabbiyi Erik ten Xag Lyuk Shouning ahvoli haqida gapirdi.
Chap qanot himoyachisi fevral oyidan beri klubda o‘ynamaganiga qaramay, Angliya bilan Yevroga yo‘l oldi. Shou "uch sherlar" uchun 3 ta o‘yinda, shu jumladan Ispaniyaga qarshi finalda maydonga tushdi, ammo "qizil iblislar"ga qaytganida yana jarohat oldi. 30 yoshli futbolchi ushbu mavsumda "Yunayted"ning barcha mavsumoldi va rasmiy o‘yinlarini o‘tkazib yubordi.
"Lyukning ahvoli yaxshilanmoqda, lekin u hali tayyor emas. U yaxshi tiklanmoqda. Bizning rejamiz bor, lekin barchasi vaziyat qanday rivojlanishiga bog‘liq. Tiklanish jarayonining tezlashishi yoki sekinlashishiga ko‘plab omillar ta’sir qiladi", dedi Ten Xag.
