"Бавария" дарвозабони Мануэль Нойер 2012 йил воқеаларини эслади.

Мюнхенликлар 2023/24 йилги мавсумни бирорта совринсиз якунлади. 2012 йилда ҳам жамоа Чемпионлар лигасининг ўз уйи финалида "Челси"га мағлуб бўлганди. Орадан 13 йил ўтиб, 2025 йилнинг май ойида энг нуфузли еврокубокнинг ҳал қилувчи баҳси яна "Аллианц Арена"да бўлиб ўтади.

"2012 йилда биз совринларсиз қолдик ва яқинда биз яна буни бошдан кечиришимиз керак эди. Аммо кейин нима бўлганини ҳамма эслайди (2012/13 йилги мавсумда "Бавария" барча совринларни, жумладан, Чемпионлар лигасини ҳам қўлга киритди). Бизда ажойиб мотивация бор. Албатта, финалда яна шаҳримизда ўйнаш ажойиб бўларди. Биринчидан, биз Загребнинг "Динамо"сига қарши биринчи ўйинда ўз ишимизни қилишимиз керак", - дейди Нойер.