Бугун тунда ЕЧЛ илк тури доирасида "Милан" ҳамда "Ливерпуль" клублари ўзаро беллашади. Миланликлар бош мураббийи Паоло Фонсека "қизиллар"нинг собиқ ва ҳозирги мураббийлари Клопп ва Слот ўртасидаги фарқлар ҳамда ўхшашликлар ҳақида гапирди.  

"Слот эндигина келди ва унда аввал кўрмаган турли ўйинчилар бор. Менимча, унинг Клоппдан жуда кўп фарқлари бор, лекин уларнинг ҳимояланиш усуллари ўхшаш.

Футболчиларнинг қанотларда ўйнашлари ва тўпни қайтариш усуллари бу икки мураббий қўл остида жуда ҳам фарқ қилади. Шунингдек, юқори прессинг томонлама ҳам улар жуда ўхшашдир", – деди Фонсека.