Хосе Эмилио Амависка Килиан Мбаппенинг "Реал"даги ўйини ҳақидаги фикрлари билан ўртоқлашди.

"Мен унга бера оладиган ягона маслаҳат - бу ўзи бўлиш. Шунда ҳаммамиз бахтли бўламиз. Мбаппе - бу Мбаппе, у "Реал" учун ажойиб футболчига айланиши мумкин.

Биринчи ўйинида у еврокубокни қўлга киритди. Улар айнан шу мақсадда, янги даврни нишонлаш учун келишган. Шунинг учун ҳам одамлар уни Криштиану, Раул, Зидан, Генто ва Ди Стефано билан солиштиришади. У улар билан тенг бўлиш учун ҳамма нарсага эга.

У Чемпионлар лигасида порлайди, чунки буюк ўйинчилар катта турнирларни яхши кўрадилар ва у энг яхшиладран бири", - деди “Реал”нинг собиқ футболчиси.