Уэс Браун Криштиану Роналдуни яна "Манчестер Юнайтед"да кўришни хоҳлашини айтди.
"Криштиану Роналдунинг "Манчестер Юнайтед"га ҳар қандай мақомда қайтиши ҳақида гап кетганда, ҳеч нарсани инкор этиб бўлмайди. Шубҳасиз, у клубни иккинчи марта тарк этганида, барчамизнинг ҳафсаламиз пир бўлди, чунки у "МЮ" тарихидаги энг яхши ўйинчилардан бири эди ва бу шундай тугаши жуда ачинарли эди.
Ўйлайманки, у қайтиб келиб, ўша ёмон хайрлашишни юмшатишга ҳаракат қилиши мумкин. Биринчи мавсумда ҳам у 20 дан ортиқ гол урди. Мен унинг кетишига мажбур бўлмаганига ишонаман ва агар у қайсидир маънода қайтиб келса, мен хурсанд бўлардим" - деди "Манчестер Юнайтед"нинг собиқ ҳимоячиси.
