"Бавария" ҳимоячиси Йозуа Киммих Чемпионлар лигасининг биринчи учрашувида Загребнинг “Динамо” клуби устидан қозонилган йирик ғалабадан сўнг (9:2) ўз фикрларини билдириб ўтди.

"90 дақиқа давомида ажойиб ўйин бўлди. "Динамо" ҳисобни тенглаштириши мумкин бўлган 5 дақиқалик давр бўлди, аммо қолган 85 дақиқадан биз жуда фахрланамиз. Ўйлайманки, трибунадагиларнинг барчаси бизни ҳеч қачон ҳисобдан қониқмаганимизни ва ҳар доим кўпроқ гол уришни хоҳлаганимизни айтиши мумкин эди. Бу бизни ҳозир ажратиб туради.

Менимча, Компанининг ўйин услуби бу жамоага ва ҳар бир футболчига жуда мос келади. Ўйиндан барчамиз завқ олишимиз ва унинг ўйинга ёндашувини қўллаб-қувватлашимиз аниқ. Энди асосийси таслим бўлмаслик, давом эттириш ва ҳеч ким жароҳат олмаслигига ишонч ҳосил қилиш. Ҳозирги ритмда бизга ҳамма керак бўлади", - деди Киммих УЕФА билан суҳбатда.