"Интер" бош мураббийи Симоне Индзаги Чемпионлар лигасида "Манчестер Сити" билан бўлажак ўйин ҳақида ўз фикрлари билан ўртоқлашди.
Жамоалар чоршанба куни Англияда тўқнаш келишади.
"Бу реванш эмас, балки оддий биринчи давра ўйини. Энди ҳаммаси бошқача, чунки аввалгидек учта рақиб эмас, саккиз хил ўйинга тайёргарлик кўриш керак.
Мен ўша финал (икки йил олдинги ЕЧЛ финали) якунланганидан бир ҳафта ўтиб ўйинни яна кўрдим, бир ой олдин эса машғулотлар оралиғидаги танаффусда яна томоша қилдим.
Мен ҳеч нарсадан афсусланмайман - ўша куни жамоам 100% борини берди", – деди Индзаги.
