"Интер" дарвозабони Янн Зоммер "Манчестер Сити" ва Эрлинг Холанд билан бўлажак учрашув ҳақидаги саволларга жавоб берди. "Шаҳарликлар" форварди жорий АПЛда тўртта ўйинда 9та гол урди.
Чоршанба куни норвегиялик футболчи ўз муваффақиятини Чемпионлар лигасида давом эттиришга ҳаракат қилади, бунда жамоаси ўз уйида "Интер"га қарши ўйнайди.
"Холанд ажойиб ҳужумчи, лекин биз ҳужумкор ўйинни йўлга қўйган жуда юқори сифатли жамоа ҳақида гапиряпмиз. Бизни Европанинг энг кучли рақибларидан бири билан учрашув кутиб турибди.
Мен Холандни махсус ўргандимми? Ҳар бир ўйинга бир хил тайёргарлик кўраман. Эрлингга қарши бир неча бор ўйнаганман ва унинг қандай ўйнашини биламан. Биз бутун "Манчестер Сити"ни тўхтатишимиз керак", - дея Зоммер сўзларини келтиради журналист Альфредо Педулла.
