"TeamTalk" хабарига кўра, «Арсенал» янги чап қанот ҳимоячиси қидиришда бозорни фаол кузатиб бормоқда.
Манбанинг хабарига кўра, ушбу позицияга футболчи сотиб олиш Лондон клубининг қишки трансфер ойнасидаги асосий мақсадларидан бири бўлади.
Қайд этилишича, «Арсенал» Александр Зинченкони сотишга ва унинг ўрнига «Жирона»дан Мигель Гутьерресни қўлга киритишга тайёр.
«Канонирлар» «Реал Сосьедад»дан ижарадан қайтган ва ҳозирда жароҳат олган Киран Тирни билан ҳам хайрлашишни режалаштирган.
Ёзда Гутьерресни бутун Европадан кўплаб клублар кузатиб боришмоқда, «Манчестер Юнайтед» унинг трансфери имкониятини кўриб чиқди. Январь ойида айнан манкунианликлар ва «Арсенал» ўртасида 23 ёшли испаниялик футболчини қўлга киритиш учун кураш бошланиши мумкин.
