Аввалроқ, "Манчестер Сити" ва Испания терма жамоаси ярим ҳимоячиси Родри тақвим тиғизлиги туфайли футболчилар иш ташлашларини тан олганди: "Биз бунга яқинмиз. Мавсумда 70-80 ўйин - бу жуда кўп. Агар одамлар энг яхши футболни кўришни истаса, биз дам олишимиз керак" - деганди.

Родрининг ушбу сўзларига Ла Лига раҳбари Хавьер Тебас муносабат билдирди.

"ФИФА 20 та клуб иштирокидаги чемпионатлар қисқаришини исташади ва биз бунга рози эмасмиз.

Энг яхши ўйинчилар бешта ўрнига 6та Ferrariга, олтита ўрнига саккизта уйга эга бўлишади. Ҳаммаси суд жараёнида тугайди, чунки бу давом эта олмайди.

Мен Родри айтган мумкин бўлган иш ташлашни қўллаб-қувватлайман, чунки бу шунчаки иш ташлаш эмас.

Муаммо нафақат ушбу 70 нафар футболчининг соғлиғида, балки соҳа балансида ҳам. Баъзиларнинг соғлиғи ёмонлашади, бошқаларнинг оиласи азобланади", - деди Ла Лига президенти.