Жуд Беллингем Килиан Мбаппенинг "Реал Мадрид"даги ҳиссасини қайд этди.

Мадрид клуби Чемпионлар лигаси умумий босқичининг илк учрашувида “Штутгарт”ни йирик 3:1 ҳисобида мағлуб этди. Мбаппе гол урди.

"Бу унинг одатий иши, мен умуман ҳайрон эмасман. Аввалига бу унинг дебюти эканини ҳам тушунмадим, шунчаки у гол уриши мумкин бўлган оддий ўйин деб ўйладим.

У ҳар доим қўлидан келганини қилади, Мадриддек клубга ўтиш катта босим, лекин у жуда тез мослашди ва йигитлар уни аллақачон яхши кўришади.

У бу мавсумда ҳам, келажакда ҳам биз учун муҳим ўйинчи бўлади", - деди “Реал” ярим ҳимоячиси Жуд Беллингем.