Германиянинг «Бавария» клубининг бир қатор футболчилари бош мураббий Венсан Компанининг баъзи қарорларидан хавотир билдиришди. Улар бельгиялик мутахассис ўз ўйинчиларидан нима кутаётгани ҳақида аниқ тасаввурга эга эмас, деб ҳисоблашади. Жамоа футболчилари яна мураббийнинг мулоқот услубидан кўнгли тўлмаётганидан нолишади. Бу ҳақда "Kicker" хабар берди.

«Бавария» йирик ҳисобда ғалаба қозонган «Хольштейн Киль» билан сафар ўйини олдидан Компани ўйин бошланишига бир кун қолганда "WhatsApp" орқали асосий таркибни эълон қилган, бу эса футболчилар томонидан ноаниқ қабул қилинганди.