«Манчестер Сити» дарвозабон Эдерсоннинг келажаги борасида муҳим қарорга келди. "Transfer News Live" нашрининг "TBR Football" нашрига таяниб хабар беришича, «шаҳарликлар» бразилиялик футболчини сақлаб қолмоқчи ва шартномани узайтириш бўйича музокараларни бошлашни режалаштирган. 31 ёшли бразилияликнинг амалдаги меҳнат шартномаси 2026 йилнинг ўрталарига қадар тузилган.
Эдерсон «Бенфика»дан трансфер қилинганидан сўнг 2017 йилнинг ёзидан бери «Манчестер Сити»да ўйнамоқда. Ўшандан бери бразилиялик «шаҳарликлар» сафида 338 та расмий ўйин ўтказиб, 261 та гол ўтказиб юборган.
Айтиш жоизки, ўтган ёзда Эдерсон Саудия Арабистонига ўтиши ҳақидаги миш-мишлар тарқалган эди.