"Тоттенхэм" бош мураббийи Анге Постекоглу журналистлар билан яна бир бор ҳаётий ҳикматлари билан ўртоқлашди.

“Шпорлар” мавсумни ёмон бошлади: Премьер-лиганинг 4 туридан кейин жамоа 4 очко билан 13-ўринда бормоқда.

“Мен оқимга эътибор бермайман ва шунчаки сузишни давом эттираман. Сиз курашни қабул қилишингиз керак - агар ҳамма нарса мукаммал бўлса, муваффақиятга эришиб бўлмайди. Шундай пайтлар бўладики, енг шимариб, давом этаверасиз. Оқимга қарши сузинг, тепага югуринг, шамолга қарши боринг - ҳар қандай метафорадан фойдаланишингиз мумкин. Энг муҳими, муваффақият келтирадиган нарсага эътибор қаратишдир.

Мен учун ҳеч қандай ноёб нарса юз бермаяпти. Фаолиятим давомида буни бошдан кечирдим. Мен одамларга: "Менга муваффақият ҳикоясини кўрсатинг, мен сизга курашни кўрсатаман" деб айтаман. Бу даврлар сизнинг қатъиятингизни, ўзингизга бўлган ишончингизни синовдан ўтказади ", деди Постекоглу шанба куни "Брентфорд"га қарши ўйин олдидан.