"Ливерпуль" ярим ҳимоячиси Доминик Собослаи яқинда ўзи узоқ вақтдан бери мухлислик қилиб келаётган "Милан" дарвозасини ишғол қилди.
Сешанба куни Арне Слот шогирдлари Чемпионлар лигаси умумий босқичининг 1-тур учрашувида “россонерилар” устидан меҳмонда ғалаба қозонди (3:1) ва венгриялик ярим ҳимоячи гол уришга муваффақ бўлди.
“Ушбу ўйиндан сўнг “Милан” либосини кийдим, чунки “Милан”ни қўллаб-қувватлайман. Бу ҳақда барча дўстларим билади. Будапештдаги уйда менинг Паоло Мальдини билан тушган суратим бор", - дея 23 ёшли футболчининг сўзларини келтиради журналист Николо Скира.
