"Арсенал" вингери Букайо Сака "Манчестер Сити"га қарши ўйинларда "канонирлар"нинг ҳаддан ташқари ҳимоявий ўйнагани учун қилинган танқидларга жавоб берди. Эслатиб ўтамиз, бугун, 22 сентябрь куни Лондон клуби Англия чемпионатининг 5-тури доирасидаги ўйинда “шаҳарликлар” билан учрашади.
"Тўғрисини айтсам, мен бунга аҳамият бермайман. Жамоамиз нимага ишонишини ва нимага эришмоқчи эканлигини билади. Ҳақиқий сабабларни фақат биз биламиз. Охирги сафар биз "Этиҳад"га ғалаба қозониш учун борган эдик, бугун эса буни яна такрорлаймиз", - деди Сака Goal порталига.
Жамоалар ўртасидаги АПЛ доирасидаги “Манчестер Сити”нинг уй стадионида кечган сўнгги учрашуви 0:0 ҳисобида якунланди.
