Германия терма жамоаси спорт директори Руди Фёллер Бундестим бош мураббийи сифатида германиялик мутахассис Юлиан Нагельсманнинг ўрнини назарий жиҳатдан ким эгаллаши мумкинлиги ҳақидаги саволга жавоб берди.
"Агар Юлиан Нагельсманн қачонлардир Европа ёки Германиянинг топ-клубини бошқаргани маъқул, деган қарорга келса, албатта, биз Юрген Клопп номзодидан воз кечмаймиз.
Клопп узоқ вақт Германиядан ташқарида ишлаган. Албатта, мен уни юқори баҳолайман. Юрген Клопп ақл бовар қилмайдиган карьерага эга", - дейди Фёллер.
Клопп ҳозирча ҳеч қайси жамоа мураббийи эмас. Ўтган ёзда немис мутахассиси "Ливерпул"ни тарк этганди.
