"Бавария" ҳужумчиси Харри Кейн мюнхенликлар вингери Майкл Олисени немис грандининг собиқ вингери Роббен билан солиштириш борасида ўз фикри билан ўртоқлашди.
"Бу ҳаддан ташқари таққослаш, унинг учун ҳали узоқ йўл бор. Роббен ўз позициясида дунёнинг энг яхшиларидан бири эди. Бироқ, Майкл ўз футболидан ва Мюнхенда ўтказган вақтидан завқ олмоқда", - деди Кейн.
Нидерландиялик ҳужумчи 2009 йилдан 2019 йилгача "Бавария"да ўйнаган. Бу даврда у барча турнирларда 309 та учрашувда қатнашиб, 144 та гол ва 101 та голли узатмани амалга оширган.
Олисе ўтган ёзда Мюнхен клубига ўтган эди. Қанот ҳимоячиси барча мусобақаларда олтита ўйинда майдонга тушиб, бешта гол урди ва учта голли узатмани амалга оширди.
