"Шальке" Испания терма жамоаси ва "Реал"нинг собиқ ҳужумчиси Раулни жамоага бош мураббий этиб тайинлаш имкониятини кўриб чиқмоқда, деб хабар беради Bild.
Манбага кўра, клуб 47 ёшли испанияликни бу лавозимга асосий номзод деб ҳисобламоқда. Мутахассиснинг ўзи "Реал Мадрид"нинг захира жамоаси "Кастиля" билан ишлашни давом эттирмоқчи.
"Шальке" 5 ўйиндан кейин 4 очко билан 2-Бундеслига турнир жадвалида 14-ўринда бормоқда.
Рауль 2010 йилнинг июлидан 2012 йилнинг июнигача "Шальке"да ўйнаган. Форвард 2015 йилнинг ноябрида фаолиятини якунлаган, шундан сўнг у "Реал Мадрид" тизимида мураббийлик фаолиятини бошлаган.
