Трент Александр-Арнолд "Ливерпуль" билан шартномасини узайтириш ҳақида гапирди.
25 ёшли ҳимоячи клуб билан амалдаги шартномасининг сўнгги йилига қадам қўйди.
"Тўғрисини айтсам, энг муҳими - совринлар. Мен кубокларни ютиб олишни хоҳлайман. Ғалабалар ва чўққиларни забт этишга интилиш менга катта туртки беради.
Бу, эҳтимол, асосий омил. Агар сизда ғолиблик шахсияти бўлса, ғалаба қозониш учун ҳамма нарсага тайёрсиз - бу сизни ҳаракатга келтиради.
Мен клубда 20 йилдан бери ишлайман. Шартномамни тўрт-беш марта янгиладим ва уларнинг ҳеч бири омма олдида муҳокама қилинмади.
Мен "Ливерпуль" футболчиси бўлишда давом этаман", деди Александр-Арнолд.
