"Барселона" дарвозабони Марк-Андре тер Штеген жароҳатидан сўнг биринчи марта фикр билдирди.
Немис футболчиси якшанба куни Ла Лига доирасида "Вилярреал"га қарши ўйинда тиззасидан жиддий жароҳат олди.
"Мен “Барселона” мухлислари, жамоадошларим, рақиблар, клублар ва дўстларга қўллаб-қувватлашлари ва муҳаббатлари учун чин дилдан миннатдорман. "Вильярреал" мухлисларига стадионда ҳурмат кўрсатгани учун алоҳида миннатдорчилик билдираман.
Бу мен учун жуда кўп нарсани англатади. Мен ўзимни кучли ҳис қиламан ва ижобий муносабатдаман. Энди бутун эътиборимни тикланишга қаратганман. Раҳмат!" - дейди Тер Штеген.
