"Ливерпуль" бош мураббийи Арне Слот Лига кубоги доирасида "Вест Хэм"га (5:1) қарши ўйинда Федерико Кьезанинг ўйини ҳақидаги саволга жавоб берди.

Италиялик вингер “қизиллар” сафида асосий таркибдаги илк учрашувини ўтказди. 25-дақиқада у голли узатмани амалга оширди.

"Федерико аллақачон 60 дақиқа ўйнай олганини кўриш яхши. Аввал айтганимдек, у учун ўйин амалиёти жуда муҳим, чунки у сўнгги уч-тўрт ойда деярли майдонга тушмади.

Бугун Кьеза Диого Жотага ёрдам берди ва жуда қаттиқ меҳнат қилди. У ҳали ўзининг чўққисига чиқмади. У жамоадошларига, бизнинг ўйин услубимизга кўникиши керак бўлади", - дейди Арне.