"Байер" ярим ҳимоячиси Гранит Джака ҳозирги "Бавария"нинг савияси ҳақида гапирди.
Ўтган мавсумда леверкузенликлар Бундеслига ва Германия кубогини қўлга киритган бўлса, мюнхенликлар сўнгги 12 йил ичида биринчи марта совринларсиз қолиб кетишди. 28 сентябрь куни жамоалар янги кампаниядаги илк ўзаро ўйинларини ўтказишади.
"Бу Чемпионлар лигаси даражасидаги рақиб - мураббий бизга шундай деди. Очиғи, биз "Бавария"нинг қандай салоҳиятга эга эканлигини, Венсан Компани қандай ғоялар келтирганини биламиз. Уларнинг ўйинларини таҳлил қилиб чиқдик, кўриб турибсизки, “Бавария” ҳозир жуда кўп иш қиляпти.
Деярли ҳар бир зарба гол, жуда кучли ҳужум, жамоа камроқ гол ўтказиб юбора бошлади. Бизни албатта топ ўйин кутмоқда, биз бунга тайёрмиз. Мюнхендаги "Бавария" билан учрашув ҳар доим ўзгача нарса, биз буни интиқлик билан кутамиз", - деди Джака.
