“Манчестер Юнайтед” ярим ҳимоячиси Кристиан Эриксен Европа лигаси гуруҳ босқичи 1-тури доирасидаги “Твенте”га қарши ўйиндаги дуранг (1:1) ҳақида фикр билдирди.
"Жамоа сифатида ҳафсаламиз пир бўлди, кун охирида биз кўпроқ нарсани хоҳладик, аммо бу етарли эмас эди.
Афтидан, "Твенте" ғалабани биздан кўра кўпроқ хоҳлагандек эди, бундай бўлмаслиги керак. Менимча, ҳамма ўзига қарайди, ҳамма профессионал футболчи, нима қилишни билади.
Биз мағлубиятга учрамадик, аммо бу мағлубиятга ўхшайди", - дея Эриксеннинг сўзларини келтиради Yahoo Sports.
