"Манчестер Юнайтед" бош мураббийи Эрик тен Хаг ҳужумчи Жошуа Зиркзеенинг қобилиятига ишонади.
23 ёшли футболчи "қизил иблислар" сафидаги дебютида "Фулхэм"га қарши ўйинда (1:0) гол урди, аммо ўшандан бери эътибор марказидан четда қолди.
Энди нидерландиялик футболчининг ҳисобида еттита учрашувда битта гол бор.
"Мен Зиркзее самарали бўлиши мумкинлигига ишонаман. У ёш, маҳоратини кўрасиз. У жуда яхши ва ўзи ҳам имкониятлар ярата олади.
"Фулхэм" дарвозасига гол урган эпизодда у яхши ҳаракат қилди ва ҳужумни яхши якунлади, аммо охирги зарбаларда у яхшиланиши керак", - деди Тен Хаг.
