"Милан"нинг ҳужумкор ярим ҳимоячиси Кристиан Пулишич Англия Премьер-лигасига қайтиши мумкин. CalcioMercato хабарига кўра, 26 ёшли америкалик "Ливерпуль"нинг радарида. "Қизиллар" Пулишични ҳужумда Муҳаммад Салоҳнинг ўрнини боса оладиган футболчи сифатида кўрмоқда. Мисрлик футболчи 2025 йилнинг ёзида мерсисайдликлар клубини тарк этиши эҳтимоли бор.
Қайд этилишича, агар "Ливерпуль" Пулишични қўлга киритмоқчи бўлса, "Милан" футболчи учун сарфлаган маблағни икки баробарга ошириши керак бўлади. Ўтган ёзда "россонерилар" америкалик учун 20 миллион евро тўлаганди.
Аввалроқ Кристиан Пулишич Англияда "Челси" шарафини ҳимоя қилган.
