Англиялик собиқ футболчи Габриэль Агбонлаҳор Муҳаммад Салоҳнинг келажагини аллақачон билишини айтди.

Мисрлик юлдузнинг "Ливерпуль" билан шартномаси келаси ёзда якунига етади. Кенг тарқалган хабарларга кўра, Саудия Арабистони чемпионати гигантлари футболчига даъвогарлик қилмоқда. Агбонлаҳорнинг фикрича, "қизиллар" етакчисининг тез орада кетишини ҳал қилинган масала деб ҳисоблаш мумкин.

"Мен Салоҳ кетишини аллақачон биламан. Менда унинг Саудия клуби билан рекорд шартнома имзолашини айтган манба бор. Муҳаммад лиганинг юзига айланади ва Криштиану Роналдудан кўпроқ пул ишлаб олиши мумкин бўлади", - дея Англия ОАВлари "Астон Вилла" ва Англия терма жамоаси собиқ ҳужумчисининг сўзларини келтиради.