“Насаф” – “Металлург” учрашувидан сўнг одатдагидек матбуот анжумани бўлиб ўтди ва унда фақат "аждарлар" мураббийи Рўзиқул Бердиев иштирок этди. Рустам Мирсодиқов матбуот анжуманига келмади.

Рўзиқул Бердиев:
— Ўйин осон ўтмади. “Металлург” ҳам оддий жамоа эмас, улар бекорга 3-ўринни эгаллаб туришмаганди. Бугун ҳам ёмон ўйнашмади. 2-бўлимда асосий эътиборни ҳимояга қаратдик, сабаби бундан кейин бизни қийин ўйин кутиб турибди. Биринчи бўлимни ўзида барча масалани ҳал қилдик, менимча. Алланиёзов бироз жароҳат олди ва уни алмаштирдим. Унга эътирозим йук, охирги иккита ўйинда иккита гол уришга эришди.

Ҳамза Каримов жароҳатланган, шу боис таваккал қилмадик ва Ҳамробековга ишондик, у ҳам ишончни оқлади. Илҳом Шомуродов бугун гол ура олмади, лекин у бизни тўпураримиз. Шунинг учун бўлса керак унга тўп тушганда “Металлург”нинг 2-3 футболчиси қуршаб олди.

Кейинги турда “Пахтакор” билан умуман бошқача тактика билан ўйнаймиз, у ўйин биз учун жуда муҳим.

Дадажон Маматқулов тайёрлади.