Жанни Инфантино клублар ўртасидаги 2025 йилги жаҳон чемпионати ҳақида гапирди.

"Футбол сайёрамиздаги энг оммабоп спорт тури бўлиб, 2025 йил клуб футболининг янги даврини бошлаб беради, ФИФА ўзининг энг йирик, энг инклюзив ва глобал клуб мусобақасини Қўшма Штатларда ўтказади.

Клублар ўртасидаги 2025 йилги жаҳон чемпионатида 12 та ажойиб стадион бўлади, уларда дунёнинг 32 та энг яхши клубининг буюк футболчилари жаҳон футболи тарихида янги саҳифа ёзадилар.

Ушбу янги ФИФА турнири жаҳон клуб футболидаги ҳақиқий бирдамлик ва инклюзивликнинг ягона ҳақиқий намунаси бўлиб, Африка, Осиё, Марказий ва Шимолий Америка ҳамда Океаниянинг энг яхши клубларига Европа ва Жанубий Американинг энг кучли клубларига қарши ўйнаш имконини беради. Бу бутун дунё бўйлаб клуб футболи ва иқтидорларнинг ўсишига катта таъсир кўрсатадиган ақл бовар қилмайдиган Жаҳон чемпионати бўлади", деди ФИФА президенти.