"Барселона" Nike билан ҳамкорликни давом эттириш борасида келишувга эришди.

Mundo Deportivo хабарига кўра, клуб бренд билан янги ҳомийлик шартномасини эълон қилишга яқин турибди. Битим 19 октабрь куни делегатлар мажлисидан кейин бўлиб ўтиши режалаштирилган расмий имзолаш маросимида муҳрланади.

Қайд этилишича, янги шартнома бўйича даромадлар 2024-2025 йиллар учун бюджетда кўзда тутилган бўлиб, клуб директорлар кенгаши шу душанба куни навбатдан ташқари йиғилишида уни тасдиқлайди.

Каталонияликларнинг Nike билан амалдаги шартномаси 2028 йилда тугайди ва у узайтирилади ва йиллик тўловларнинг янги миқдори 100 миллион евродан сезиларли даражада ошади.