"Реал Мадрид" ярим ҳимоячиси Федерико Вальверде дербининг энг яхши футболчиси совринига сазовор бўлди.
Учрашув 1:1 ҳисобида якунланди. Эдер Милитао 64-дақиқада "Лос Бланкос"ни ҳисобда олдинга олиб чиқди, аммо Карло Анчелотти шогирдлари ғалабани сақлаб қола олмади – Анхель Корреа 95-дақиқада гол уриб, таблодаги якуний натижани ўрнатди.
Вальверде учрашувнинг энг яхши футболчиси деб топилди. Уругвайлик футболчи самарали ҳаракатлар кўрсатмади, аммо ҳимояда ҳам, ҳужумда ҳам фойдали бўлди: у дарвозага энг кўп зарба берди, шунингдек, учрашувнинг барча иштирокчилари орасида энг кўп аниқ узатмаларни амалга оширди.
