"Наполи" ҳимоячиси ва сардори Жованни Ди Лоренцо неаполликлар Италия А Серияси турнир жадвалида пешқадамлик қилаётгани ҳақида гапирди, шунингдек, бош мураббий Антонио Конте билан муносабатлари ҳақида ҳам тўхталди.
"Ҳафта давомида қилинган кўплаб қурбонликлардан сўнг энг юқори поғонада бўлиш жуда ёқимли. Скудеттони қўлга киритган йилга ўхшашлик борми? Бу ўтмиш, бу ҳақда гапиришдан фойда йўқ. Ҳозир янги жамоа ўсиб бормоқда, унда яқинда қўшилган ва ўзини яхши ҳис қилган йигитлар кўп. Бу узоқ ва қийин чемпионат бўлади, унда ҳеч ким бизга бекорга бирор очко бермайди.
Конте? Унинг раҳбарлигида ишлаётганимдан жуда мамнунман. Биринчи кундан бошлаб биз ҳақиқий муносабатларни ривожлантирдик ва унга эргашиш орқали биз жамоа сифатида ва индивидуал равишда ривожланамиз. Биз барча эътиборимизни "Наполи"ни ўзи муносиб жойга қайтаришга қаратганмиз", – дея Ди Лоренцо сўзларини келтирмоқда Sky Sport Italia.
