“Бунёдкор” – “Бухоро” учрашувидан кейинги матбуот анжуманида биринчи бўлиб журналистлар саволларига бухороликлар устози жавоб қайтарди.
- Аввалов “Бунёдкор”ни ҳақли ғалаба билан табрикламоқчиман. Бизда икки хил бўлим бўлди: биринчисида ёш болалардек ҳатолар қилдик, иккинчисида эса ўзимизга келиб бир мунча яхши вазиятлар яратдик. Бу ерда иккинчи бўлимда “Бунёдкор” ҳисобдан келиб чиқиб ўйнаганлигини ҳам қўшимча қилиш керак. Бир бўлим яхши, иккинчисида ёмон ўйнаётганимиз биринчи бор бўлаётгани йўқ. Бундай ностабил ўйинларимиз кўпдан бери такрорланяпти. Вазиятни ўнглашга ҳаракат қиламиз. Май ойида Бухоро шаҳрида Универсиада мусобақалари бўлиб ўтади. Айни дамда шаҳарда кенг кўламли тайёргарлик ишлари олиб борилмоқда. Шу боисдан ҳам ўз уй учрашувларимизни бошқа-бошқа стадионларда ўтказяпмиз. Биринчи даврада кўпроқ очко жамғаришга ҳаракат қиламиз. Ана ўшанда иккинчи даврада қийналиб қолмаймиз. Дарвоқе, “Бунёдкор” стадиони майдони анча яхши ҳолатга келиб қолганини айтиб ўтмоқчиман, - дейди Тачмурад Агамуродов
